بيني وما بينك ثوان ودقايق
وبيننا والوصل مسير عامين
**
ريح عطرك ولا يوقفه عايق
ياصلني ولو ما بالنيه تجين
**
الشوف حْرّ تصيده الخلايق
والشوق حَرّ بهاجوسه دفين
**
شارد الافكار ومتكدر وضايق
وظروف الوقت عيت لا تزين
**
كاني متهم واصفادي طبايق
سجن مو سجني خلفه سجين
**
فيني كون ارضه تلهب حرايق
من عامين ولا مطرّت للحين
**
ذبلت ورودي وجفت الرحايق
وانا انتظر ..بعدين .. بعدين!
**
يا حلم اجمل من كل الحقايق
صدري ظامي مظميه الحنين
**
وعيني سحابه تذرف له رقايق
وبالي مسافر مدري على وين
**
صوبك والسفر بالاحيان شايق
واحس ان الشقى لاجلك ثمين
**
ليست هناك تعليقات:
إرسال تعليق